കോഴിക്കോട് സ്വദേശിനിയായ 38 കാരി തിരുവനന്തപുരം ലോഡ്ജ് മുറിയിൽ കൊല്ലപ്പെട്ട സംഭവത്തിൽ പ്രതി റിമാൻഡിൽ ആയതോടെ കൂടുതൽ വിവരങ്ങൾ പുറത്ത്‌ .സംഭവത്തിൽ കാമുകനും ലോഡ്ജിലെ റിസപ്ഷനിസ്റ്റായി ജോലിചെയ്തിരുന്ന 32 കാരൻ റോയി എന്ന് വിളിക്കുന്ന ജോബിൻ ജോർജ്ജ് അറസ്റ്റിലായി.സംഭവത്തിനു ശേഷം ഒളിവിൽപ്പോയ ജോബിൻ ജോർജ്ജിനെ വ്യാഴാഴ്ച കോഴിക്കോട് റെയിൽവേ സ്റ്റേഷനിൽനിന്നാണ് പോലീസ് കസ്റ്റഡിയിലെടുത്തത്. കോഴിക്കോട് വടകര സ്വദേശിനിയായ അസ്മിനയാണ്‌ മൂന്നുമുക്കിലെ ഗ്രീൻ ഇൻ ലോഡ്ജിൽ ചൊവ്വാഴ്ച രാത്രിയിൽ കൊല്ലപ്പെട്ടത് .
മൂന്നു മാസം മുൻപാണ് അസ്മിനയും ജോബിൻ ജോർജും തമ്മിൽ പരിചയപ്പെടുന്നത്. മാവേലിക്കരയിൽ ജോബിൻ ജോർജ്ജ് ജോലിചെയ്തിരുന്ന ലോഡ്ജിലെ പാചകക്കാരിയായിരുന്നു അസ്മിന. മുൻപ് രണ്ട് വിവാഹം കഴിച്ചിട്ടുള്ള അസ്മിന, രണ്ടാമത്തെ വിവാഹബന്ധത്തിൽനിന്നു വിട്ടുനിൽക്കുന്ന സമയത്താണ് ജോബിൻ ജോർജ്ജുമായി പരിചയത്തിലായത്..
പിന്നീട് ഇവർ ഒരുമിച്ചാണ് താമസിച്ചിരുന്നത്. ജോബിൻ ജോർജ് ഒരു വിവാഹം കഴിക്കുകയും ആ ബന്ധം വേർപെടുത്തുകയും ചെയ്തിരുന്നു. തുടർന്ന് മറ്റൊരു യുവതിയെ വിവാഹംചെയ്തെങ്കിലും രജിസ്റ്റർ ചെയ്തിരുന്നില്ല. ആ സ്ത്രീയെയും അവരുടെ പിതാവിനെയും ആക്രമിച്ച കേസിൽ ഇയാൾ ശിക്ഷിക്കപ്പെട്ട് ഒന്നര മാസത്തോളം ജയിലിൽ കഴിഞ്ഞിട്ടുണ്ട്. അതിനു ശേഷമാണ് മാവേലിക്കരയിലെ ലോഡ്ജിൽ ജീവനക്കാരനാകുന്നതും അസ്മിനയുമായി അടുപ്പത്തിലാകുന്നതും.
രാത്രി ലോഡ്ജിലെ മുറിക്കുള്ളില്‍ വച്ച് മദ്യപിക്കുന്നതിനിടെ അസ്മിന തന്റെ രണ്ടാം ബന്ധത്തിലെ മകളെ കാണാന്‍ പോകുന്നതിനെക്കുറിച്ചു പറഞ്ഞിരുന്നു ,ഇതോടെ ഇരുവരും തമ്മില്‍ വഴക്കുണ്ടായി. തുടര്‍ന്നുണ്ടായ കയ്യാങ്കളിക്കിടെ ജോബി അസ്മിനയെ ബിയര്‍കുപ്പി ഉപയോഗിച്ചു തലയ്ക്കടിച്ചു വീഴ്ത്തി. തുടര്‍ന്ന് തുണി ഉപയോഗിച്ചു കഴുത്തു ഞെരിച്ച് കൊല്ലുകയായിരുന്നുവെന്നാണ് പൊലീസ് കണ്ടെത്തല്‍.
അസ്മിനയുടെ ശരീരത്തില്‍ ഗുരുതരമായ പരിക്കേറ്റ പാടുകൾ ഉണ്ടായിരുന്നു എന്നാണ് പോലീസ് വ്യക്തമാകുന്നത്.. പെട്ടന്നുള്ള പ്രകോപനത്താല്‍ കൊലപതാകം നടത്തിയ ശേഷം ജോബി മുങ്ങുക ആയിരുന്നു .. മരിച്ചെന്ന് ഉറപ്പ് വരുത്തി ജോബിന്‍ അസ്മിനയുടെ ഫോണും വസ്ത്രങ്ങളും എടുത്ത് ആണ് ഒളിവിൽ പോയത്..
കായംകുളത്ത് ലോഡ്ജില്‍ ഒരുമിച്ചു ജോലി ചെയ്യുന്നതിനിടെ പരിചയപ്പെട്ട ജോബിയും അസ്മിനയും കുറച്ചു നാളുകളായി ഒരുമിച്ചു താമസിക്കുകയായിരുന്നു. ഇരുവരും മുന്‍പ് വിവാഹിതരായിരുന്നു.രണ്ട് കുട്ടികളുടെ അമ്മയാണ് അസ്മിന ജോബിക്കു ഒരു കുട്ടിയും ഉണ്ടെന്നാണ് വിവരങ്ങൾ.. ഒരാഴ്ച മുന്‍പാണ് ജോബി ആറ്റിങ്ങലിലെ ലോഡ്ജില്‍ ജോലിക്കെത്തിയത്.
ചൊവ്വാഴ്ച രാത്രി ഭാര്യയെന്നു പരിചയപ്പെടുത്തിയാണ് അസ്മിനയെ ജോബി ലോഡ്ജില്‍ കൊണ്ടുവന്നത്. പിന്നീട് ജോബിയുടെ പരിചയത്തിലുള്ള ചിലര്‍ ഇവര്‍ താമസിച്ച മുറിയില്‍ വരികയും ചെയ്തിരുന്നു. രാത്രി ഒന്നരയോടെ ജോബി മുറിയിലേക്കു പോകുന്നത് ലോഡ്ജിലെ മറ്റു ജീവനക്കാര്‍ കണ്ടിരുന്നു.
ബുധനാഴ്ച രാവിലെ ഇരുവരെയും പുറത്തു കാണാത്തതിനെത്തുടര്‍ന്ന് ജീവനക്കാര്‍ പരിശോധിച്ചെങ്കിലും മുറി തുറക്കാന്‍ കഴിഞ്ഞില്ല. തുടര്‍ന്ന് പൊലീസില്‍ വിവരം അറിയിക്കുകയായിരുന്നു. പൊലീസ് എത്തി വാതില്‍ തള്ളിത്തുറന്ന് അകത്തു കടന്നപ്പോഴാണ് അസ്മിനയുടെ മൃതദേഹം കണ്ടത്.
മുറിയില്‍ പിടിവലി നടന്നതിന്റെ സൂചനകളുണ്ടായിരുന്നു. ബിയര്‍കുപ്പി പൊട്ടിയ നിലയിലും കണ്ടെത്തിയിരുന്നു. ബുധനാഴ്ച പുലര്‍ച്ചെ നാലു മണിയോടെ ജോബി ലോഡ്ജില്‍നിന്നു പുറത്തേക്കു പോകുന്നത് സിസിടിവി ദൃശ്യങ്ങളില്‍നിന്നു തിരിച്ചറിഞ്ഞതോടെ പൊലീസ് തിരച്ചില്‍ വ്യാപിപ്പിച്ചു. ബസ് സ്റ്റാന്‍ഡില്‍ എത്തിയ ജോബി കായംകുളത്തേക്കു പോയതായി കണ്ടെത്തി. തുടര്‍ന്ന് പൊലീസ് കായംകുളത്തു നടത്തിയ പരിശോധനയിലാണ് ജോബി കോഴിക്കോട്ടേക്കു കടന്നതായി അറിയുന്നത്. പിന്തുടര്‍ന്ന പൊലീസ് കോഴിക്കോട്ടുനിന്നാണ് ജോബിയെ അറസ്റ്റ് ചെയ്തത്.
കോഴിക്കോട് റെയില്‍വേ സ്റ്റേഷനുപുറത്ത് വെച്ചാണ് ഇയാള്‍ പിടിയിലായത്. അസ്മിന ആദ്യം നാട്ടില്‍നിന്നും പിന്നീട് കരുനാഗപ്പള്ളിയില്‍നിന്നും വിവാഹം കഴിച്ചിരുന്നു. ജോബിന്‍ രണ്ടാം ഭാര്യയെ ആക്രമിച്ച കേസില്‍ ജയിലിലായിട്ടുണ്ട്. മാവേലിക്കരയില്‍ ഹോട്ടല്‍ മാനേജരായി വന്നപ്പോഴാണ് അവിടുത്തെ ജോലിക്കാരിയായ അസ്മിനയെ പരിചയപ്പെട്ടതും ഒന്നിച്ച് താമസമാക്കിയതും. അഞ്ച് ദിവസം മുമ്പാണ് ജോബിന്‍ ആറ്റിങ്ങല്‍ ലോഡ്ജില്‍ ജോലിക്കെത്തിയത്. അസ്മിനയുടെ മൃതദേഹം പോസ്റ്റ്‌മോര്‍ട്ടത്തിനു ശേഷം ബന്ധുക്കള്‍ക്ക് കൈമാറി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
