അറബിക്കടലിൽ   തീവ്ര  ന്യൂനമർദം, ബംഗാൾ   ഉൾക്കടലിൽ   ശക്തി കൂടിയ ന്യൂനമർദം ,  കേരളത്തിൽ മഴ തുടരും

അറബിക്കടലിൽ തീവ്ര ന്യൂനമർദം, ബംഗാൾ ഉൾക്കടലിൽ ശക്തി കൂടിയ ന്യൂനമർദം , കേരളത്തിൽ മഴ തുടരും

കേരളത്തിൽ അടുത്ത് അഞ്ച് ദിവസം അതിതീവ്ര മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ് .അറബിക്കടലിലെ തീവ്ര ന്യൂനമർദവും, ബംഗാൾ ഉൾക്കടലിലെ ശക്തി കൂടിയ ന്യൂനമർദവും തുടരുന്നു.ഇതാണ് തീവ്രമഴയ്ക്ക് കാരണം.തമിഴ്നാട്ടിലും കനത്ത മഴ തുടരുകയാണ്. കേരളത്തിലെ ഒൻപത് ജില്ലകളിൽ കേന്ദ്രകാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചു.

തിരുവനന്തപുരം, കൊല്ലം, പത്തനംതിട്ട, കോട്ടയം, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിലാണ് യെല്ലോ അലർട്ട് പ്രഖ്യാപിച്ചിട്ടുള്ളത്. നിലവിൽ തെക്കു കിഴക്കൻ അറബിക്കടലിലെ ശക്തി കൂടിയ ന്യൂനമർദം തീവ്ര ന്യൂനമർദമായി ശക്തി പ്രാപിച്ചിട്ടുണ്ട്. തമിഴ്നാട് തീരത്തിനു സമീപം തെക്കു പടിഞ്ഞാറാൻ ബംഗാൾ ഉൾക്കടലിൽ മറ്റൊരു ശക്തി കൂടിയ ന്യൂനമർദവും സ്ഥിതിചെയ്യുന്നുണ്ട്.

കേരളത്തിൽ ശക്തമായ മിന്നലിനും കാറ്റിനും സാധ്യതയുള്ളതായും കേന്ദ്രകാലാവസ്ഥാ വകുപ്പ് അറിയിച്ചു. കേരള – കർണാടക – ലക്ഷദ്വീപ് തീരങ്ങളിൽ ഒക്ടോബർ 26 വരെ മത്സ്യബന്ധനത്തിന് പോകാൻ പാടില്ലെന്ന് മുന്നറിയിപ്പുണ്ട്. കേരള – കർണാടക തീരങ്ങളിലും, അതിനോട് ചേർന്ന സമുദ്രഭാഗങ്ങളിലും, ലക്ഷദ്വീപ് തീരങ്ങളിലും മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ 55 കിലോമീറ്റർ വരെയും ശക്തമായ കാറ്റിന് സാധ്യതയുണ്ട് എന്നാണ് മുന്നറിയിപ്പ്.

Share Post

Leave a Reply

Your email address will not be published. Required fields are marked *

Back To Top