തിരുവനന്തപുരം: ആറ്റിങ്ങലിലെ ലോഡ്ജ് മുറിയിൽ വിവാഹിതയും രണ്ടു കുട്ടികളുടെയും ‘അമ്മ കൊല്ലപ്പെട്ട സംഭവത്തിൽ ലോഡ്ജിലെ ജീവനക്കാരൻ പിടിയിൽ.കോഴിക്കോട് വടകര സ്വദേശി അസ്മിനയെ യാണ് തിരുവനന്തപുരം ആറ്റിങ്ങലിൽ മൂന്നുമുക്കിലെ ലോഡ്ജിൽ കൊല്ലപ്പെട്ട കണ്ടെത്തിയത്.കൊലപാതകമെന്നാണ് പൊലീസിന്റെ പ്രാഥമിക നിഗമനം.ലോഡ്ജിലെ ക്ലീനിംഗ് സ്റ്റാഫായ കോട്ടയം പുതുപ്പള്ളി സ്വദേശി റോയി എന്ന ജോബി ജോർജാണ് പിടിയിൽ ആയതു.ജോബിൻ ജോർജിനെ കോഴിക്കോട് നിന്നാണ് കസ്റ്റഡിയിലെടുത്തത്. യുവതിയുടെ മൃതദേഹം കണ്ടെത്തിയ ലോഡ്ജിലെ ജീവനക്കാരനാണ് ഇയാൾ.
ഇന്നലെയാണ് മൂന്നുമുക്കിലെ ലോഡ്ജിൽ ജോബിന്റെ പെൺസുഹൃത്ത് വടകര സ്വദേശിനി ആസ്മിന കൊല്ലപ്പെട്ടത്. രണ്ടു കുട്ടികളുടെ അമ്മയാണ് ആസ്മിന. ആലപ്പുഴ കായംകുളം സ്വദേശിയാണ് ജോബിൻ ജോർജ്. രണ്ടാഴ്ച മുൻപാണ് ജോബിൻ ജോർജ് ലോഡ്ജിൽ ജോലിക്ക് എത്തിയത്. തിരിച്ചറിയൽ രേഖകൾ ഒന്നും നൽകാതെയാണ് ഇയാൾ ജോലിക്ക് പ്രവേശിച്ചത്.
രണ്ട് ദിവസം മുൻപാണ് ആസ്മിനയെ ഭാര്യയെന്ന് പരിചയപ്പെടുത്തി ലോഡ്ജിൽ എത്തിച്ചത്. ഇന്നലെ രാവിലെ 11 മണിയായിട്ടും മുറി തുറക്കാത്തതിനെ തുടർന്ന് പരിശോധിച്ചപ്പോഴാണ് മൃതദേഹം കണ്ടെത്തിയത്. മദ്യകുപ്പിയുടെ കഷ്ണം കൊണ്ട് കുത്തി കൊലപ്പെടുത്തിയെന്നാണ് പ്രാഥമിക നിഗമനം.
പ്രതിക്ക് ക്രിമിനൽ പശ്ചാത്തലമുണ്ടെന്ന് പൊലീസ് പറഞ്ഞു. മുൻപ് ഇയാൾ യുവതിയെ ഉപദ്രവിച്ച കേസിൽ ജയിൽ ശിക്ഷ അനുഭവിച്ചിട്ടുണ്ട്. ആസ്മിനയും പ്രതി ജോബിയും കായംകുളത്തെ ഹോട്ടലിൽ വച്ചാണ് പരിചയപ്പെടുന്നത്. അവിടെ പാചകക്കാരിയായ ആസ്മിനയും റിസപ്ഷനിസ്റ്റായ ജോബിയും പ്രണയത്തിലായിരുന്നുവെന്ന് പൊലീസ് പറയുന്നു.
